Загрижени од секојдневните вести и случаи на сексуална злоупотреба на деца и млади, на 26 септември 2008 ЦИРа и Првата Детска Амбасада во Светот-Меѓаши, започнaa Kампања за прибирање средства од страна од граѓаните и претријатијата за формирање на Фонд за поддршка на деца и млади - жртви на сексуална злоупотреба во Македонија. Иницијативата до сега е поддржана од јавни личности, медиуми и здруженија на граѓани од РМ.

Видете ја листата на поддржувачи во прилог и досегашни собрани средства (последна промена 22.11.2008)

Целта на кампањата е собирање на средства за поддршка на децата и младите жртви на сексуално насилство и нивните семејства како и спроведување на активности за надминување на последиците од сексуалната злоупотреба: правна помош, психо-социјална работа со жртвите, помош и поддршка на жртвите за интегрирање во заедницатa, спроведување на информативни и едукативни кампањи за превенција на сексуална злоупотреба на децата и младите итн.

• Аргументи за креирање на Фондот

• Листа на активности кои ќе бидат преземени

• Начин на доделување на средствата од Фондот

Ве покануваме да дадете ваш придонес во креирањето на Фондот за поддршка на децата и младите-жртви на сексуална злоупотреба (листа на потребни услуги и производи), преку некои од следниве начини на донирање или поддршка на фондот:

• Донирање на 100 мкд со јавување на еден од телефоните
  

• Донирање на финансиски средства на жиро-сметка

• Организирање на pay roll донирање од страна на вработените

• Донирање или спонзорство на производи и/или услуги

• Волонтирање за поддршка на кампањата

• Креирање на ваш фонд со специјална намена

• Примена на социјален маркетинг во поддршка на кампањата

• Правење на ваш круг на пријатели и колеги за поддршка на фондот
  

Ве молиме повикајте ги членовите на вашите семејства, вашите пријатели, колеги и деловни партнери да ја поддржат оваа граѓанска иницијатива и да дадат свој придонес за успешно справување со сексуалната злоупотреба на децата и младите. Испратете го овој e-mail до нив или разговарјте со нив за поддршка. Доколку имате било каква идеја која ќе придонесе кон успешно спроведување на кампањата, слободно предложете ја!

За сите ваши прашања и идеи поврзани со донирањето во фондот, слободно контактирајте не во ЦИРа или Меѓаши на долунаведените контакти. ЦИРа како организација која работи на промоција на Законот за донации и спонзорства во јавните дејности (ЗДСЈД), ви нуди поддршка за спроведување на процедурата за користење на даночните поттикнувања.

На секои 2 недели ЦИРа и Меѓаши ќе објавуваат информации поврзани со собраните средства, ревидираната листа на подрржувачи, како и активностите кои ќе се превземаат понатаму, на интернет страницата www.cira.org.mk и www.childrensembassy.org.mk со соопштенија за јавност и преку електронска пошта (доколку не сакате понатаму да примате информации поврзани со оваа кампања, слободно испратете ни барање за бришење од е-маил листата на ЦИРа за овој Фонд).

Станете и Вие активенподдржувач на кампањата и кажете СТОП за сексуалната злоупотреба на децата и младите

Ви благодарам на вашата грижа за децата и младите - жртви на сексуална злоупотребаво Македонија. Донирајте во Фондот за нивна поддршка!

Срдечен поздрав,

Контакти :

ЦИРа: тел. 02-3114855 лок. 105 ; моб. 071-248-209; e-mail: Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете и Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете

Меѓаши: тел.02-2465 316; моб:070/075 255-372; e-mail: Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете

Собрани 185.400 денари од хуманитарниот ТЕЛЕТОН “Сонувај Мирно”

Од хуманитарниот Телетон “Сонувај мирно”, кој се одржа на 23 ноември 2008г, на Македонската радио телевизија, собрани се вкупно 185 400 денари, наменети за Фондот за поддршка на деца и млади жртви на сексуална злоупотреба. 

Во рамки на телетонот беше организирана и ТВ аукција на која беа понудени 80 предмети  (донирани од страна на јавните личности-учесници во телетонот) за кои гледачите се наддаваа во текот на отворената програма. Во процесот на наддавање највисока цена од 30 750 денари (понудена од г-ѓа Василка Настевска од Мериан Ас, Скопје) достигна комплетот од шест ЦД-ња од Тоше Проески, донација од Космофон. Сребреното срце донирано од Ламбе Алабаковски беше дадено за 10 100 денари, а Златната Буба Мара (награда) од Бени Шаќири за 4 500 денари.  Од ТВ аукцијата собрани се вкупно 55 200 денари.

Поттикнати од содржините емитувани во текот на телетонот со директни донации ја поддржаа оваа иницијатива и семејството Наумови од Планет Макпол, Штип, со донација од 25 000 денари; Тинекс донираше 18 500 денари; Ремедика обезбеди индивидуална психотераписка помош и гинеколошки прегледи на жртвите на сексуална злоупотреба, а Кенди, пакети производи за жртвите на сексуална злоупотреба. Исто така најавени се уште неколку донации од страна на поединци и компании.

Видете листа на досега собрано средства

Целиот настан беше организиран со голема поддршка од страна на Two Hearts production, Massive sky production, Community pictures, T-mobile,Космофон, ВИП оператор, Merian As, Хотел Континентал, Биро Стил, АД Европа Скопје, Градинарски центар Plantas,  Скопски Саем и Горска Вода. Медиумски покровител на настанот беше Македонската радио телевизија, а истиот медиумски беше поддржан од Нова Македонија, Утрински весник, Дневник, Вест, Вечер, К-15 Телевизија, Алфа Телевизија, Sky Net Телевизија, Сител Телевизија, Канал 5,  Jungle TV, Канал 77, Радио Роса, Радио Равел, City Радио, Радио Фортуна. Сите поддржувачи на телтонот го дадоа своето време, експертизаи, средства и услуги во форма на донација кон кампањата.

Организатори на кампањата за креирање на Фонд за поддршка на деца и млади-жртви на сексуална злоупотреба се Центарот за институционален развој-ЦИРа и Првата детска амбасада во светот Меѓаши и истата ќе се спроведува до крајот на декември.

До крајот на кампањата ќе биде организирана уште една аукција со предметите кои беа донирани во текот на телетонот, а кои не влегоа во процесот на наддавање, како и хуманитрен концерт со музичките ѕвезди поддржувачи на кампањата.

Сите оние кои ќе сакаат да ја поддржат оваа иницијатива своите финансиски донации може да ги уплатат на ж-ска 300000002760559, банка депонент Комерцијална Банка АД Скопје, со назнака донација за Фондот за поддршка на деца и млади жртви на сексуална злоупотреба или да донираат 100 денари со јавување на бројот 143 404 од сите мобилни оператори.

Средствата од фондот за поддршка на деца и млади-жртви на сексуална злоупотреба ќе бидат наменети за:

• Психосоцијална работа со жртвите (индивидуална терапија)
• Обезбедување на правна помош на жртвите
• Обезбедување на непосредна помош на жртвите (привремено сместување, храна, средства за хигиена, облека)
• Активности за информирање и едукација на младите за спречување на нивна манипулација
  

Во неделата, 23 ноември 2008г, на Македонската радио телевизија (прва програма) во периодот од 14:00-18:00 часот, се одржа хуманитарниот ТЕЛЕТОН “Сонувај мирно” во склоп на Kампањата за формирање на Фонд за поддршка на деца и млади - жртви на сексуална злоупотреба во Македонија.

Во ТЕЛЕТОНОТ земаа учество преку 100 музичари, актери, уметници, интелектуалци (превземета ја листата на учесници ), кои одговараа на телефонските повици од граѓаните на бројот 143 404 (од сите оператори) и на тој начин се донираа по 100 денари по повик во Фондот. Во текот на емисијата се јавија 365 гледачи (видете ја листата на дел од оние кои се јавија ). Од јавувањата на гледачите беа собрани 86.700 денари

Во рамки на телетонот беше организирана и ТВ аукција, во која гладачите се наддават за над 80 лични предмети на медиумските ѕвезди - гости во телетонот. Највисок износ од ТВ аукцијата постигна 30 750 денари (понудена од г-ѓа Василка Настевска од Мериан Ас, Скопје) достигна комплетот од шест ЦД-ња од Тоше Проески, донација од Космофон. Сребреното срце донирано од Ламбе Алабаковски беше дадено за 10 100 денари, а Златната Буба Мара (награда) од Бени Шаќири за 4 500 денари

За време на телетонот беше промовиран и видео спотот на песната „Сонувај„ која беше создадена од страна на дел од македонската музичка естрада (Александра Пилева, Браво бенд, Бени Шаќири, Мартин Србиноски, Некст тајм, Елена Петреска, Даниел Стојмановски, Мартин Вучиќ, Андријана Јаневска, Иле Спасев, Тања Б, Џемини, Дејана), а како комплетен автор (тeкст, музика, аранжман и продукција) се јавува Александар Масевски и неговата продукција (Massive Sky Production).

Сите вклучени песната ја направија на некомерцијална основа, како нивна поддршка на децата и младите жртви на сексуалната злоупотреба.

За време на телетонот граѓани и компании донираа или најавија донации во фондот

Поттикнати од содржините емитувани во текот на телетонот со директни донации ја поддржаа оваа иницијатива и семејството Наумови од Планет Макпол, Штип, со донација од 25 000 денари; Тинекс донираше 18 500 денари; Ремедика обезбеди индивидуална психотераписка помош и гинеколошки прегледи на жртвите на сексуална злоупотреба, а Кенди, пакети производи за жртвите на сексуална злоупотреба. Исто така најавени се уште неколку донации од страна на поединци и компании.

Целиот настан беше организиран со голема поддршка од страна на Two Hearts production, Massive sky production, Community pictures, T-mobile,Космофон, ВИП оператор, Merian As, Хотел Континентал, Биро Стил, АД Европа Скопје, Градинарски центар Plantas, Скопски Саем и Горска Вода. Медиумски покровител на настанот беше Македонската радио телевизија, а истиот медиумски беше поддржан од Нова Македонија, Утрински весник, Дневник, Вест, Вечер, К-15 Телевизија, Алфа Телевизија, Sky Net Телевизија, Сител Телевизија, Канал 5, Jungle TV, Канал 77, Радио Роса, Радио Равел, City Радио, Радио Фортуна. Сите поддржувачи на телтонот го дадоа своето време, експертизаи, средства и услуги во форма на донација кон кампањата.