|
Programi CIVICA Mobilitas ka
për qëllim të kontribuojë në përforcimin
e kapacitetit të organizatave qytetare dhe qëndrueshmërisë së tyre me qëllim që
të:
- ushtrojnë ndjekjen kritike të punës së organeve
të Vetëqeverisjes Lokale, posaçërisht në drejtim të aplikimit të parimeve
të qasjes së barabartë, shpërndarjes së drejtë, mosdiskriminimit dhe efikasitetit
në ofrimin e shërbimeve publike,
- ushtrojnë ndjekjen e praktikave
financiare, buxhetore dhe kontabiliste të financave publike, si dhe
promovimin dhe mbështetjen e praktikave të përgjegjësisë shoqërore në kuadër
të sektorit privat, dhe
- nxisin dhe zhvillojnë dialogun ndëretnik
në të gjitha fushat e shoqërisë.
Në këtë Thirrje për Aplikim për Grante
për Projekte mund të paraqiten organizatat qytetare me projekte të përqëndruara
në: decentralizim, qeverisje të mirë, përfaqësim dhe lobim, pjesëmarrje, transparence
dhe llogaridhënie dhe/ose dialog ndëretnik.
Projektet do të marrin mbështetje
financiare vetëm nëse përfshijnë aktivitete të projektit që janë në përputhje
me qëllimet e “CIVICA Mobilitas”:
- përmirësimi i cilësisë së shërbimeve të Vetëqeverisjes
Lokale,
- përmirësimi i transparencës, llogaridhënies
dhe qeverisjes së mire,
- nxitja dhe zhvillimi i dialogut ndëretnik
në të gjitha fushat e shoqërisë,
- nxitja e ngritjes së aftësive të
komunikimit; ndjekja e punës së autoriteteve lokale, posaçërisht nga
pikëpamja e aplikimit të parimeve të qasjes së barabartë, shpërndarjes së
drejtë, mosdiskriminit dhe efikasitetit në dhënien e shërbimeve publike,
- ndjekja e praktikave financiare,
buxhetore dhe kontabiliste të financave publike, si dhe nxitja dhe mbështetja
e përgjegjësisë korporative shoqërore në sektorin privat,
- projektet lidhur me përmirësimin e
marrëdhënieve ndëretnike në nivelin institucional (p.sh. politikat e
pakicave në institucionet qëndrore dhe lokale).
Barazia gjinore dhe marrëdhëniet
ndëretnike janë tema transversale (ndërsektorale) dhe duhet të përfshihen në Propozim
Projektin.
Në kuadër të kësaj Thirrjeje, grante
për projekte do t`u ndahen organizatave qytetare lokale-organizatave
joprofitabile ose koalicioneve të organizatave qytetare nga Republika e
Maqedonisë. Gjithsej 5-10 projekte do të marrin mbështetje në kuadër të kësaj Thirrjeje
për Aplikim me shumë maksimale deri në 100,000
franga zvicërane (në kundërvlerë të denarit) për projekt.
Periudha
për implementimin e Projektit nuk duhet të tejkalojë 12 muaj.
Është kjo Thirrje e hapur dhe i
ftojmë të gjitha organizatat qytetare të interesuara që të aplikojnë. Të gjitha
dokumentet dhe informacionet e duhura në procesin e aplikimit dhe seleksionimit
mund t’i gjeni në web faqen e Programit: www.civicamobilitas.org.mk, në web
faqen e CIRa-së: www.cira.org.mk, ose në zyrat e CIRa-së.
Afati i fundit
për aplikim është 1 tetor 2010 (E premte) deri në orën 16:00. Aplikuesit duhet
të paraqesin kërkesat e veta më së voni deri më datën e lartëpërmendur, duke përdorur
Formularin në version elektronik, si dhe të dorëzojnë një kopje shtesë
personalisht ose përmes postës në adresën në vijim:
Dime Anicin 9
1000 Shkup, Maqedoni
Tel: (02) 31-14-855
Njëkohësisht, aplikuesit duhet të
dorëzojnë fletë-aplikimin e kompletuar në formë elektronike, në CD.
Vetëm ata aplikues që plotësisht
i përmbushin kriteret për aplikim do të merren në konsideratë në procesin e
mëtejshëm të seleksionimit.
Shkarkoni dokumentacionin e plotë të nevojitur për aplikim për grante për projekte:
|
Мапа на сајтотКонтакт Почетна 
